ကြီးပွားချမ်းသာကြောင်း မင်္ဂလာတရားတော် (၃၈-ဖြာမင်္ဂလာကဗျာများ)
မကောင်းမှုဟူသမျှကို ပယ်ဖျောက်တတ်ပြီ ကြီးပွားချမ်းသာကြောင်းဖြစ်သော အကျင့်စရိုက်၊ အပြုအမူ၊ သဘောသဘာဝကို “မင်္ဂလာ” ဟုခေါ်ဆိုကြောင်း ဗုဒ္ဓ့မြတ်စွာ ဟောကြားတော်မူခဲ့ပါသည်။ “မင်္ဂလာပါ”၊ “မင်္ဂလာရှိပါစေ” စသဖြင့် တစ်ဦးနှင့်တစ်ဦး၊ တစ်ယောက်နှင့်တစ်ယောက် တွေ့ဆုံကြ သည့်အခါတိုင်း နေ့စဉ်နှင့်အမျှ ဆုတောင်းနှုတ်ဆက်နေကြသော်လည်း မင်္ဂလာ၏အဓိပ္ပာယ်ကို သေသေခြာခြာ ဂဃ နဏ သိရှိသူနည်းပေသည်။ ကျွန်တော်တို့ငယ်စဉ် လွန်ခဲ့သည့်အနှစ် ၆၀ ခန့်က မူလတန်းတွင် နံက်တိုင်း ကျောင်တက်ချိန်တိုင်း စာမသင်မီ မတ်တပ်ရပ်ပြီး ၃၈-ဖြာ မင်္ဂလာကဗျာကို နေစဉ်သံပြိုင် ဆိုကြရပါသည်။ ကျောင်းသားကျောင်းသူများလူငယ်များအနေဖြင့် မိမိပတ်ဝန်ကျင်တွင့် မည်သို့မည်ပုံ နေထိုင်ပြုမူ ပြောဆို ကျင့်ကြံရမည်ကို ဥဏှောက်ထဲ အသဲထဲတွင်စွဲဝင် သိမြင်နေပေသည်။
ယနေ့ခေတ်တွင် ကျောင်းများ၌ ၃၈-ဖြာမင်္ဂလာကဗျာရွတ်ဆိုသံများ မကြားရကြာချေပြီ။ သို့သော် နွေရာသီ ကျောင်းပိတ်ရက်များတွင် ဘုန်ကြီးကျောင်းများ၌ ဖွင့်လှစ်သင်ကြားပေးသော ယဉ်ကျေးလိမ္မာ သင်တန်းများ တွင်မူ သင်ကြားပေးလျှက် ရှိသည်မှာ ကျေးဇူးတင်ဝမ်းမြောက်ဖွယ်ရာ ပင်ဖြစ်ပါသည်။
နောင်တခေတ်၏ နိုင်ငံသားကောင်းရတနာ၊ သမီးကောင်ရတနာများဖြစ်လာကြမည့် သားငယ်၊ သမီးငယ်ကလေးများအပါအဝင် လူရွယ် လူလတ်ပိုင်းပါမကျန် ကြီးပွားချမ်းသာကြောင်း မင်္ဂလာတရား တော်ကို လေ့လာ သိရှိ ပြုမူ ကျင့်ကြံ နေထိုင်တတ်ကြစေရန် ဆရာကြီး ဒေါက်တာမင်းတင်မွန် ရေးသားပြုစု သော “ယဉ်ကျေးလိမ္မာ ရင်သွေးကမ္ဘာ” စာအုပ်ငယ်မှ “၃၈-ဖြာမင်္ဂလာကဗျာ”ကို ကူးယူရေးသာဖေါ်ပြအပ် ပါသည်။
၃၈-ဖြာမင်္ဂလာကဗျာများ
၁။ ယံမင်္ဂလံ
သုံးဆယ့်ရှစ်ဖြာ မင်္ဂလာတရားကို နတ်လူအများ ကြံစည်ပေ။
ဘယ်သင်းဘယ်ဟာ မင်္ဂလာစစ်ဟု၊ သေခြာဇာစ်မြစ်မသိပေ။
ဆယ့်နှစ်နှစ်တိုင်တိုင် နှုတ်ပြိုင်ငြင်းလို့၊ မင်္ဂလာအခင်း မပြီးပေ။
မင်္ဂလာတရား၊ ဝါဒများ၊ ကွဲပြားနတ်လူတွေ။
အဲဒါကြောင့် ကြံကြ စည်ကြ ကမ္ဘာ့မင်္ဂလာတွေ။
၂။ ဧဝံ မေ သုတံ
သာဝတ္ထိပြည်မွန် ဇေတဝန်ကျောင်း၌၊ ကိန်းအောင်းပျော်ပိုက် မြတ်စိန္တေ၊
သန်းခေါင်ယံခါ မထင်ရှာသည့်၊ နတ်သားတစ်ယောက် ချဉ်းကပ်လေ၊
လေးမြတ်ရိုသေ မင်္ဂလာသဘောကို၊ ထင်ရှားဟောဖို့ လျှောက်ပန်ချွေ၊
အသေဝနာတရား၊ အစထား၊ ဟောကြားမိန့်ခဲ့ပေ။
အဲဒါကြောင့် နာရကြားရ ကမ္ဘာ့မင်္ဂလာတွေ။
၃။ အသေဝနာစ
လူမိုက်ဆိုလျှင် ရှောင်သွေလွဲလို့၊ မမှီဝဲနဲ့ ကင်းအောင်နေ၊
ပညာရှိကို အရှည်တွဲလို့၊ မှီဝဲဆည်းကပ် နည်းယူစေ၊
သုံးပါးရတနာ မိဘများနှင့်၊ ဆရာသမားကို ပူဇော်လေ၊
ချမ်းသာကိုပေး ဆက်ဆံရေး၊ မျှော်တွေးသုံးချက်ပေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၎။ ပဋိရူပ
ကုသိုလ်ပညာ ဥစ္စာရဖို့၊ သင့်ရာဒေသ အမြဲနေ၊
ရှေးကတင်ကြို ပြုခဲ့ဖူးသည့်၊ ကောင်မှုအထူးရှိပါစေ၊
မိမိကိုယ်ကို ကောင်းအောင်ထိန်းလို့၊ မတိမ်းစေနဲ့ ဆောက်တည်လေ၊
ဥစ္စာကိုပေး၊ နေထိုင်ရေး၊ မျှော်တွေးသုံးချက်ပေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၅။ ဗာဟုသစ္စဉ္စ
တတ်ကောင်းတတ်ရာ ဟူသမျှကို၊ ကြားမြင်သုတ ရှိပါစေ၊
အိုးအိမ်တည်ထောင် ဝမ်းစာရေးနဲ့၊ အသက်မွေးဖို့ အတတ်သင်လေ၊
လူနှင့်ဆိုင်ရာ ကျင့်ဝတ်များကို၊ ကောင်းစွာသင်ကြား နားလည်စေ၊
မှန်ကန်ယဉ်ကျေး၊ ချိုသာအေး၊ ဆိုရေးတတ်ပါစေ။
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၆။ မာတာပိတု
မြင်းမိုရ်ရွှေတောင် မိဘကြွေးကို၊ ကောင်းစွာဆပ်ပေး ဝတ်ကျေကျေ၊
ကြွေးသစ်ချကာ သားနှင့်မယား၊ မြှောက်စားချီးမြှင့် ဝတ်ကုန်စေ၊
အလုပ်တာဝန် မလစ်ဟင်းနဲ့၊ အပြစ်ကင်းအောင် လုပ်ပါလေ၊
စည်းစိမ်ကိုပေး ပြုစုရေး၊ မျှော်တွေးသုံးချက်ပေ။
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၇။ ဒါနဉ္စ
သုံးတန်စေတနာ ဖြူစင်လန်းလို့၊ ပေးကမ်းဝေမျှ လှူနိုင်စေ၊
ကိုယ်နှုတ်စိတ်ကြံ မမိုက်မှားနဲ့၊ သုစရိုက်တရားကို ကျင့်ပါလေ၊
ဆွေမျိုးတွေကို ပြစ်ကာမထားနဲ့၊ သင်္ဂဟတရာနဲ့ ချီးမြှောက်လေ၊
သန့်စင်ပြစ်မျိုး၊ လူထုကျိုး၊ သယ်ပိုးဆောင်ရွက်စေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၈။ အာရတီ
မကောင်းမှုတွေ ဟူသမျှကို၊ မတွေ့ခင်က ရှောင်ကြဉ်လေ၊
တွေ့ကြုံလာလျှင် မလွန်ကြူးနဲ့၊ အထူးသဖြင့် စောင့်စည်းနေ၊
အရက်သေစာ မသောက်စားနဲ့၊ မှောက်မှားတတ်တဲ့ အရာပေ၊
လုပ်ကိုင်ပြောကြား၊ သတိထား၊ တရားမမေ့စေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၉။ ဂါရဝေါစ
အသက်ဂုဏ်ဝါ ကိုယ့်ထက်ကြီးက၊ ဆည်းကပ်ခစား ရိုသေသေ၊
မာနတံခွန် ဂုဏ်မကြွနဲ့၊ ကိုယ့်ကိုနှိမ့်ချ အမြဲနေ၊
လောဘအပို အလိုမလိုက်နဲ့၊ ကိုယ်ထိုက်တာနဲ့ ကျေနပ်လေ၊
ကိုယ့်ပေါ်ပြုဖူး သူ့ကျေးဇူး၊ အထူးသိတတ်စေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၁၀။ ခန္တီစ
ဝတ်စားနေထိုင် ရန်ခပ်သိမ်း၊ စိတ်ကိုချုပ်ထိန်း သည်းခံလေ၊
ကျိုးကြောင်းပြညွှန် ဆုံးမစကား၊ ပြောကြားလာက နာလွယ်စေ၊
သူမြတ်ပိုဂ္ဂိုလ် ဟူသမျှကို၊ မကြာခဏ တွေ့ဆုံလေ၊
သဘာဝတွေး၊ မှန်ကန်ရေ၊ ဆွေးနွေးမပြတ်ပေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၁၁။ တပေါစ
လောကီအာရုံ ဇိမ်ယစ်မူးလို့၊ အပျော်မကြူးနဲ့ ခြိုးခြံလေ၊
မေတ္တာဗြဟ္မစိုရ် လက်ကိုင်သုံးလို့၊ သူမြတ်ကျင့်ထုံး ယွင်းမသွေ၊
လေးပါးသစ္စာ ဥာဏ်မြင်ကြည့်လို့၊ အမှန်သိအောင် ကြိုးစားလေ၊
ဒုက္ခလွတ်ကင်း၊ နိဗ္ဗာန်ချဉ်း၊ အလင်းပေါက်ပါစေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၁၂။ ဖုဋ္ဌဿ
ဆင်းရဲချမ်းသာ သဘာဝ၊ တွေ့ကြုံနေကျ လူတိုင်းပေ၊
ကောင်းဆိုးနှစ်တန် အစုံတွဲလို့၊ တလဲစီလှည့် အမြဲနေ၊
လောကဓံကြုံ မဖြုံတမ်းပေါ့၊ မတုန်စမ်းနဲ့ စိတ်ခိုင်စေ၊
သောကကိုထိန်း၊ ရမ္မက်သိမ်း၊ အေးငြိမ်းချမ်းသာနေ၊
အဲဒါမှ ဗုဒ္ဓဝါဒ ကမ္ဘာ့မင်္ဂလာတွေ။
၁၃။ ဧတာဒိသာနိ
သုံးဆယ့်ရှစ်ဖြာ မင်္ဂလာကုံးကို၊ လိုက်နာကျင့်သုံး ပန်သူတွေ၊
စီးပွားချမ်းသာ ကျက်သရေတိုးလို့၊ ကောင်ကျိုးစည်ပွင့် တဝေဝေ၊
ဘေးကင်းရန်ကွာ ချစ်သူပေါလို၊ စိတ်ရောကိုယ်ရော ချမ်းသာမလေ၊
ပြောဆိုကြံဆ၊ ဆောင်သမျှ၊ အောင်ရမည်ကိန်းသေ၊ အဲဒါကြောင့် ပန်ကြဆင်ကြ မင်္ဂလာပန်းခိုင်တွေ။
Ref: Buddha's Teaching
video:Video on Facebook
No comments:
Post a Comment